بزااااااااااااااف ديال الناس ماعارفينش كيفاش كايدير المشعوذ حتى كايعرف عليك المعلومات ( خدمتك - اصحابك - نمرة الطيلي ديالك - نوع طوموبيلتك - شحال عندك في جيبك الخ... )
إوا سمع الطريقة ( إذا كنتي ماعارفهاش) :
ملي شي حد كايمشي عند المشعوذ، بمجرد انك تجلس عندو 5 دقائق وبلاما تتكلم، كايعرف عليك كلشي.. كيفاش دار لها؟
كاتعرفو أن كل واحد فينا عندو قرين من الجن، هاد القرين كايكون معاك من نهار تزاديتي تال نهار تموت، ملي كاتمشي عند الساحر راه طبعا معاك القرين، والساحر راه ضروري عندو اعداد من الجن تاهما كل واحد باش مكلف، هادوك الجن ديال الساحر كاياخدو جميع المعلومات لي عليك وكايعطيوها للساحر، غادي يقول لي شي حد علاش القرين أعطاهم المعلومات.. غادي نقولك بأن القرين وسط الجن الآخرين رآه هو أضعفهم مايقدرش يقول لا مايتنفنفش هههه.. ملي كاياخدو هادوك المعلومات كايعطيوهم للمشعوذ، من بعد كايقولك الساحر :
-سميتك فلان وعمرك كذا وكذا ومراتك سميتها فلانة بنت فلان وعندك 2 ولاد، الكبير فيهم كايقرا في الرابع سقط فيه عامين وعندك بيجو 306 وخديتي برطمة في الضحى.. ياك هادشي كاين ؟
أنت كايولي وجهك بحال هذا ===> :o وكاتقول ليه : آه أسي الفقيه كلشي صحيح
الفقيه لي هو زعما سحار كايخلعك بهادوك الكلمات ديال '' اطلب التسلييييم.. اطلب التسلييييم من الجواد ''
أنت بكثرة الخلعة كاتقول : التسلييييم امالين المكان
السؤال هنا : هاد مالين المكان والجواد شكون هما؟
الجواب : هما الجن لي خدامين مع السحار..
واش انت يحسابليك بلي هادوك الجن خدامين غا هكاك فابور ؟
لا لا.. راه باش الجن يخدمو عند السحار راه اول شرط باش يحضر الجن هو أن الساحر يكفر.. كيفاش كايكفر ؟ إما كايقولو ليه بول على القرآن الكريم أو إقرأ سورة الفاتحة بالمقلوب أو قطع القرآن الكريم ولوحو في الطواليط أو قطع صفحات القرآن الكريم وديرهم تحت البلغة وولي تمشي عليهم أو ماتخرجش وماتدوش لمدة 40 يوم أو شعل الشمع ورسم النجمة السداسية وجلس وسطها وردد هاد الكلمات 1500 مرة.. هاد الكلمات كايكونو طلاسم فيها أسماء الجن الخ..
عرفتي إذا ما لباش ليهم الفقيه واختارق معاهم الكونطرا أو بغى يبعد من السحر والشعوذة والله حتا ضبر عليها معاهم.. بالرب تا يعيش معاهم الويلات والعذاب. . حياتو يقلبوها سفاها على علاها.. والله حتا ينتاقمو منو.. حيت داكشي ماشي ساهل.. والجن راهم درجات.. كاين الجن الطيار والجن لي خدمتو في البر والجن لي خدمتو في البحر والجن لي وظيفتهم يحرسو الكنوز وزيد وزيد..
بلاما نساو داكشي لي كايساعد على تجمع الجن بحال : الدياسك ديال گناوة حيت لا ركزتي في الكلمات لي كايقولو راه كايقولو عبارات شركية وأسماء الجن '' ميرة - عايشة - حمو '' وكذلك مانساوش الجاوي وصلبان.. الجاوي وصلبان راه بخور.. والبخور لي ريحتو خايبة بحال الجاوي وصلبان راه كايجمعو الجن حيت هي صنف من مأكولات الجن الكافر.
أما الجن المسلم لي مايضرش راه عزيز عليهم رائحة عود الند والعود القماري حيت فيهم رائحة طيبة..
تا راه تعمق في هاد العالم راه تصطى.. وشحال من واحد قتلوه الجن انتقاما وشحال من واحد لي تصطى انتقاما للجن منه
الحماية منهم تكون عبر الرقية الشرعية والأذكار وزيد عليها الصلاة، أقسم بالله العظيم حتى في واحد الحوار كان بين راقي وجني.. هاداك الراقي سول الجني، قال ليه كيفاش تا دخلتي لهاد الجسد؟ قال ليه : حيت مول هاد الجسد كايصلي ويقطع، انا استغليت الفرصة بأنه مامحميش ودخلت ...
واحد آخر سولو الراقي قال ليه : كيفاش دخلتي هنا؟ قال ليه : حيت مول هاد الجسد ماكايسميش الله
الجن اعتارف حيت تحت ضغط الراقي.. حيت لاماعتارفش غادي يزيد يحرقو بالقرآن..
وزيد عليها لي ديما على جنابة، حتى هما عرضة للمس حيت ماكاينش نظافة ويستغلو الشخص انه ماتوضأ ما صلى وضعيف في إيمانه وكايسكنوه الله يحفظ
والجن عزيز عليهم الناس لي كاياكلو بوحدهم في مكان فارغ وكايكون منعزل وكايكون ينعس بوحدو بعيد على الناس.. يعني الخلوة وبزاف لي ممسوسين من الجن كاتلقاهم معقدين ومعصبين وفي حالات كثيرة كايبكيو ومضغوط عليهم الله يشافيهم
ومزيان تخدم سورة البقرة أو تقراها انت، باش مايدخلش الجن والشياطين لبيتك 3 ايام
طولت شوية غا حيت كانبغي مانكتمش شي معلومة تنفع الناس السموحات هههه
ومن هادشي كامل ( لن يصيبنا إلا ما كتب الله لنا..)
الله يحمينا منهم
إوا سمع الطريقة ( إذا كنتي ماعارفهاش) :
ملي شي حد كايمشي عند المشعوذ، بمجرد انك تجلس عندو 5 دقائق وبلاما تتكلم، كايعرف عليك كلشي.. كيفاش دار لها؟
كاتعرفو أن كل واحد فينا عندو قرين من الجن، هاد القرين كايكون معاك من نهار تزاديتي تال نهار تموت، ملي كاتمشي عند الساحر راه طبعا معاك القرين، والساحر راه ضروري عندو اعداد من الجن تاهما كل واحد باش مكلف، هادوك الجن ديال الساحر كاياخدو جميع المعلومات لي عليك وكايعطيوها للساحر، غادي يقول لي شي حد علاش القرين أعطاهم المعلومات.. غادي نقولك بأن القرين وسط الجن الآخرين رآه هو أضعفهم مايقدرش يقول لا مايتنفنفش هههه.. ملي كاياخدو هادوك المعلومات كايعطيوهم للمشعوذ، من بعد كايقولك الساحر :
-سميتك فلان وعمرك كذا وكذا ومراتك سميتها فلانة بنت فلان وعندك 2 ولاد، الكبير فيهم كايقرا في الرابع سقط فيه عامين وعندك بيجو 306 وخديتي برطمة في الضحى.. ياك هادشي كاين ؟
أنت كايولي وجهك بحال هذا ===> :o وكاتقول ليه : آه أسي الفقيه كلشي صحيح
الفقيه لي هو زعما سحار كايخلعك بهادوك الكلمات ديال '' اطلب التسلييييم.. اطلب التسلييييم من الجواد ''
أنت بكثرة الخلعة كاتقول : التسلييييم امالين المكان
السؤال هنا : هاد مالين المكان والجواد شكون هما؟
الجواب : هما الجن لي خدامين مع السحار..
واش انت يحسابليك بلي هادوك الجن خدامين غا هكاك فابور ؟
لا لا.. راه باش الجن يخدمو عند السحار راه اول شرط باش يحضر الجن هو أن الساحر يكفر.. كيفاش كايكفر ؟ إما كايقولو ليه بول على القرآن الكريم أو إقرأ سورة الفاتحة بالمقلوب أو قطع القرآن الكريم ولوحو في الطواليط أو قطع صفحات القرآن الكريم وديرهم تحت البلغة وولي تمشي عليهم أو ماتخرجش وماتدوش لمدة 40 يوم أو شعل الشمع ورسم النجمة السداسية وجلس وسطها وردد هاد الكلمات 1500 مرة.. هاد الكلمات كايكونو طلاسم فيها أسماء الجن الخ..
عرفتي إذا ما لباش ليهم الفقيه واختارق معاهم الكونطرا أو بغى يبعد من السحر والشعوذة والله حتا ضبر عليها معاهم.. بالرب تا يعيش معاهم الويلات والعذاب. . حياتو يقلبوها سفاها على علاها.. والله حتا ينتاقمو منو.. حيت داكشي ماشي ساهل.. والجن راهم درجات.. كاين الجن الطيار والجن لي خدمتو في البر والجن لي خدمتو في البحر والجن لي وظيفتهم يحرسو الكنوز وزيد وزيد..
بلاما نساو داكشي لي كايساعد على تجمع الجن بحال : الدياسك ديال گناوة حيت لا ركزتي في الكلمات لي كايقولو راه كايقولو عبارات شركية وأسماء الجن '' ميرة - عايشة - حمو '' وكذلك مانساوش الجاوي وصلبان.. الجاوي وصلبان راه بخور.. والبخور لي ريحتو خايبة بحال الجاوي وصلبان راه كايجمعو الجن حيت هي صنف من مأكولات الجن الكافر.
أما الجن المسلم لي مايضرش راه عزيز عليهم رائحة عود الند والعود القماري حيت فيهم رائحة طيبة..
تا راه تعمق في هاد العالم راه تصطى.. وشحال من واحد قتلوه الجن انتقاما وشحال من واحد لي تصطى انتقاما للجن منه
الحماية منهم تكون عبر الرقية الشرعية والأذكار وزيد عليها الصلاة، أقسم بالله العظيم حتى في واحد الحوار كان بين راقي وجني.. هاداك الراقي سول الجني، قال ليه كيفاش تا دخلتي لهاد الجسد؟ قال ليه : حيت مول هاد الجسد كايصلي ويقطع، انا استغليت الفرصة بأنه مامحميش ودخلت ...
واحد آخر سولو الراقي قال ليه : كيفاش دخلتي هنا؟ قال ليه : حيت مول هاد الجسد ماكايسميش الله
الجن اعتارف حيت تحت ضغط الراقي.. حيت لاماعتارفش غادي يزيد يحرقو بالقرآن..
وزيد عليها لي ديما على جنابة، حتى هما عرضة للمس حيت ماكاينش نظافة ويستغلو الشخص انه ماتوضأ ما صلى وضعيف في إيمانه وكايسكنوه الله يحفظ
والجن عزيز عليهم الناس لي كاياكلو بوحدهم في مكان فارغ وكايكون منعزل وكايكون ينعس بوحدو بعيد على الناس.. يعني الخلوة وبزاف لي ممسوسين من الجن كاتلقاهم معقدين ومعصبين وفي حالات كثيرة كايبكيو ومضغوط عليهم الله يشافيهم
ومزيان تخدم سورة البقرة أو تقراها انت، باش مايدخلش الجن والشياطين لبيتك 3 ايام
طولت شوية غا حيت كانبغي مانكتمش شي معلومة تنفع الناس السموحات هههه
ومن هادشي كامل ( لن يصيبنا إلا ما كتب الله لنا..)
الله يحمينا منهم
